Тақдими унвонҳои фахрӣ ба варзишгарон

Душанбе, 5 ноябр. (АМИТ «Ховар»,  Руқияи Боймамад).- Дар нимаи дуюми имрӯз бахшида ба Рўзи Сарқонуни Ҷумҳурии Тоҷикистон Маликшо Неъматов, раиси Кумитаи ҷавонон, варзиш ва сайёҳӣ  ба 88 нафар варзишгарону собиқадорон ва мураббиёну  кормандон барои  рушду густариши тарбияи ҷисмонӣ ва варзиш унвонҳои фахрӣ, варзишӣ ва дараҷаҳои тахассусӣ супорид.
Аз ҷумла, бо унвони варзишии «Номзад ба Устоди варзиши Ҷумҳурии Тоҷикистон» 11 нафар, унвони варзишии «Устоди варзиши Ҷумҳурии Тоҷикистон 56 нафар, унвони варзишии «Устоди варзиши дараҷаи байналмилалӣ» 3 нафар, унвони варзишии «Мураббии тахассуси дараҷаи олӣ» 5 нафар, унвони варзишии «Мураббии шоистаи Ҷумҳурии Тоҷикистон»  9 нафар, унвони фахрии варзишии «Корманди шоистаи тарбияи ҷисмонӣ ва варзиши Ҷумҳурии Тоҷикистон 6 нафар, унвони фахрии варзишии «Устоди шоистаи варзиши Ҷумҳурии Тоҷикистон» 9 нафар сарфароз гардиданд.