Тақвияти фаъолияти иттилоотӣ
Душанбе, 18 ноябр. (АМИТ «Ховар», Назир Назиров).-Дар Кумитаи ҳифзи муҳити зисти назди Ҳукумати Ҷумҳурии Тоҷикистон ҷиҳати татбиқи нақшаи чорабиниҳои маркази ахбори экологии идораи мазкур рўзҳои 15-16-уми ноябри соли ҷорӣ бо кормандони раёсату шуъбаҳои ҳифзи муҳити зисти шаҳру вилояту ноҳияҳо семинари омўзишии «Пешгирии қонуншиканӣ дар соҳаи ҳифзи муҳити зист-гарави солимии табиат» доир шуд.Муовини якуми раиси кумита Ҳикматулло Назиров гуфт, ки Кумитаи ҳифзи муҳити зисти назди Ҳукумати Ҷумҳурии Тоҷикистон сохтори давлатиест, ки амалисозӣ ва риояи қонунгузории ҳифзи табиатро дар ҷумҳурӣ назорати давлатӣ мебарад. Вале ҳарчанд, ошкоркунии зиёди қонуншиканиҳо, ҷаримаву протоколҳо, зарарҳои ба табиат ё ба давлат расонидашуда ин нишондиҳандаи хуби кормандони мост, бо вуҷуди ин беҳбудии табиат, нигоҳ доштани вазъияту солим гардонидани он барои мо бояд дар ҷои аввал истад.Дар давоми ду рўз кормандони Маркази ахбори экологӣ кор бо Васоити ахбори омма, навиштани варақаҳои иттилоотӣ, маълумот ва муаммоҳои экологиро ба масъулини самти иттилоотии раёсату шуъбаҳои ҳифзи муҳити зисти шаҳру вилоятҳои ҷумҳурӣ омўзонида, аз таҷрибаи бойи ҳамдигар низ баҳравар гардиданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






