Таъйини Фармондеҳи нави Горди миллӣ
Душанбе, 20 ноябр. (АМИТ «Ховар», Лутфия Эшонқулова). — Имрӯз бо Фармони Президенти Ҷумҳурии Тоҷикистон полковник Бобоҷон Ҷамолзода Фармондеҳи Горди миллии Ҷумҳурии Тоҷикистон таъйин гардид. Ӯ дар ин мақом генерал-лейтенант Раҷабалӣ Раҳмоналиро, ки бо Фармони дигари Президент муовини аввали раиси КДАМ ҶТ, сардори Сарраёсати Қӯшунҳои сарҳадӣ таъйин шуд, иваз намуд.
Президенти Ҷумҳурии Тоҷикистон Эмомалӣ Раҳмон зимни муаррифии Фармондеҳи нави Горди миллӣ саҳми Раҷабалӣ Раҳмоналиро дар таъмини суботу оромӣ ва ҳифзи кишвару халқи Тоҷикистон назаррас арзёбӣ намуда, гуфт, ки ӯ тайи солҳои роҳбариаш (2004-2013) ба халқу Ватан содиқона хизмат намуд ва вазифаҳои бар дӯш гузоштаашро сарбаландона адо намуд.
Сарвари давлат ба Фармондеҳи нави Горди миллӣ таъкид намуд, ки фаъолияти ибратбахши Р. Раҳмоналӣ бояд барояш намуна бошад.
Бобоҷон Ҷамолзода ба Президенти кишвар қавл дод, ки содиқона ба халқу Ватан дар якҷоягӣ бо ҳайати шахсии Горди миллӣ хизмат мекунанд.
Маврид ба ёдоварист, ки Б. Ҷамолзода соли 1976 таваллуд шуда, қабл аз таъйин шудан ба ин вазифа ба ҳайси командири бригадаи Горди миллӣ фаъолият менамуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






