Таъсиси идрорпулиҳо барои ҷавонон

Кӯлоб, 28 ноябр. (АМИТ «Ховар», С. Холов).- Чанде пеш дар шаҳру навоҳии минтақаи Кӯлоб бо гирандагони идрорпулиҳои президентӣ чорабинии бошукуҳ доир гардид, ки дар он мақсаду маром ва вазифаҳои гирандагони он баррасӣ гардид. Мавриди ёдоварист, ки маҳз дар даврони соҳибистиқлолии мамлакат барои хонандагони фаъолу болаёқати мактабҳои таҳсилоти умумӣ, литсею гимназия, омӯзишгоҳҳои касбию техникӣ ва колеҷҳои мамлакат барои ҷавондухтарону ҷавонписарони шаҳру ноҳияҳои дурдаст идрорпулиҳои президентӣ, раисони вилоят, шаҳру нохҳяҳо ва ташкилоту идораҳо таъсис дода шуд, ки ин дастгириҳо барои рушду нумуъ ва аз худ намудани илмҳои муосир мусоидат мекунанд. Мавриди зикр аст, ки дар шаҳру навоҳии минтақаи Кӯлоб шумораи гирандагони стипендияҳои президентӣ ба 51 нафар расидааст. Раёсати ҷавонон, варзиш ва сайёҳии вилояти Хатлон аз ҳисоби ҷавонони болаёқати минтақаи Кӯлоб боз 10 нафари дигарро бо идрорпулии раёсат сарфароз намуд.