Таваҷҷуҳи «Глобал констрашен» дар таҷдиди биноҳои Душанбе
Душанбе, 27 ноябр.(АМИТ «Ховар», Марзия Саидова).- Масъалаи ба роҳ мондани ҳамкориҳои судманд дар бахши татбиқи Нақшаи генералии шаҳри Душанбе бо ширкати «Глобал констракшен»-и Озарбойҷон зимни мулоқоти Маҳмадсаид Убайдуллоев -раиси шаҳри Душанбе бо Торгул Мамедов мудири ширкати «Глобал констракшен» дар Душанбе баррасӣ гардид. Мусоҳибон масоили марбути истифода аз таҷрибаи шаҳрсозӣ ва таҷдиду ороиши меъмории намои берунаи биноҳоро бо истифода аз технологияҳои муосири сохтмонӣ, ки «Глобал констракшен» дар ин бахш нақши муҳим дорад, матраҳ намуданд. Маҳмадсаид Убайдуллоев бо шиносоӣ аз таҷрибаи корбарӣ ва истеҳсолии ширкати «Глобал констракшен» дар иртибот аз ашёи кимиёвии полиуретан истеҳсол ва мавриди истифода қарор додани маҳсулоти масолеҳи сабуки ороишии сохтмонӣ, ки дорои сертификати сифати Русия ва Иттиҳоди Аврупост, зикр намуд, ки шаҳрдории Душанбе барои ҳамкорӣ бо ширкати мазкур дар самти таҷдид ва навсозии намои берунӣ ва мунавварсозии шабонгоҳии биноҳои баландошёнаи шаҳр омода аст. Торгул Мамедов-мудири ширкати «Глобал констракшен» гуфт, ки омӯзиши лоиҳаҳои сохтмонӣ ва шиносоии бевосита аз Нақшаи генералии Душанбе ба онҳо имкон хоҳад дод, ки лоиҳаи мушаххасеро ҷиҳати таҷдиди намои берунаи онҳо таҳия намуда, ба шаҳрдории Душанбе пешниҳод созанд. Дар анҷоми мулоқот гуруҳи кории муштарак аз ҳисоби мутахассисони тоҷику озарӣ созмон дода шуд, ки он самтҳои ҳамкориро дақиқ ва тафоҳумоти марбутаро доир ба роҳандозии ҳамкориҳои мутақобилан судманд байни Душанбеву Боку дар бахши таҷдиду навсозии биноҳои баландошёнаи Душанбе омода хоҳад кард. Дар мулоқот Сафири Фавқулодда ва Мухтори Ҷумҳурии Озарбойҷон дар Ҷумҳурии Тоҷикистон Ҳасанов Аббосалӣ Каром Оғлу иштирок дошт.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






