Тоҷикистон дар арафаи маросими бошукуҳ

Ноябрь 12, 2013 10:57

Душанбе, 12 ноябр.(АМИТ «Ховар», Марзия Саидова).-Шанбеи 16 ноябри соли 2013 дар  Кохи «Сомон»-и бӯстонсарои Ҳукумати Ҷумҳурии Тоҷикистон маросими ба иҷрои вазифа шуруъ намудан /инаугуратсия/-и Президенти тозаинтихобшудаи Ҷумҳурии Тоҷикистон Эмомалӣ Раҳмон баргузор мегардад. Дар ин маросими бошукуҳ ба Президенти Ҷумҳурии Тоҷикистон аз ҷониби раиси Суди Конститутсионии Ҷумҳурии Тоҷикистон нишони Президенти Ҷумҳурии Тоҷикистон супорида шуда, ливои Президенти Ҷумҳурии  Тоҷикистон барафрохта мешавад. 
           Тавре ки раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев дар иҷлосияи ғайринавбатии палатаи болоии Парлумони мамлакат  зикр намуд,  ҳамзамон дар рӯзи 16 ноябр дар шаҳри Душанбе ҷаласаи шашуми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати чорум баргузор мегардад, ки дар он Президенти тозаинтихобгардидаи Ҷумҳурии Тоҷиистон савганд ёд мекунад. Инчунин дар рӯзи инаугуратсияи Президенти Ҷумҳурии Тоҷикистон дар майдони «Дӯстӣ»-и пойтахт гузашти низомӣ бо ҳузури сарбозону афсарони ҷузъу томҳои сохторҳои қудратӣ ва  мақомоти ҳифзи ҳуқуқу тартиботи кишвар доир мегардад.
    Бояд зикр кард, ки номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон Эмомалӣ Раҳмон дар интихоботи 6 ноябри соли 2013 бо гирифтани 83,6 %-и раъйи интихобкунандагон пирӯзӣ ба даст оварда, ҳамин тариқ 7 соли оянда низоми давлатдориро дар Тоҷикистон идора менамояд.

Ноябрь 12, 2013 10:57

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд