Тоҷирони Чин ҷонибдорӣ ҳамкорианд

Душанбе, 14 ноябр. (АМИТ «Ховар»,  Фарзона  Достонзода).- Чанде  пеш  намояндагони  аҳли  тиҷорати  Чин  аз  Минтақаи  озоди  иқтисодии «Суғд»  воқеъ дар  шимоли  Тоҷикистон  дидан  намуданд. 
 
Тавре  ки  аз  хадамоти  матбуоти  раиси  вилояти  Суғд  хабар  доданд,  дар  ҷараёни  мулоқот  бо  ҳайати  Чин  лоиҳаҳои Минтақаи  озоди  иқтисодии «Суғд»  муаррифӣ  карда шуданд.
 
Роҳбари  маъмурияти  Минтақаи   озоди  иқтисодӣ  Анвар Ёқубов  меҳмононро  бо  фаъолият ва  шартҳои  маблағгузорӣ  ба  Минтақаи  озоди «Суғд»  муфассал  шинос  кард. 
 
Зимни  мулоқот  ҳамчунин   роҳҳои  имконпазири  ҳамкорӣ бо  ширкатҳои  Чин,  бунёди  корхонаи  нав  ва  ифтитоҳи  ширкатҳои  сернамоянда дар ҳудуди  Суғд  мавриди  муҳокима  қарор  гирифтанд.