Тренинги Ваколатдор оид ба ҳуқуқи инсон

Кӯлоб, 29 ноябр. (АМИТ «Ховар», Ф.Мадаминов).-Рӯзи 29 ноябр дар шаҳри Кӯлоб Ваколатдор оид ба ҳуқуқи инсон Зариф Ализода бо намояндагони судҳо, ҳифзи ҳуқуқ, намояндагони ҳукумат, ташкилоту муассисаҳои давлатӣ ва ғайридавлатӣ, инчунин намояндагони васоити ахбори омма тренинги омӯзишӣ оид ба ҳуқуқи инсон гузаронид. Дар тренинг доир ба нақши қабулгоҳҳои ҷамъиятии Ваколатдор оид ба ҳуқуқи инсон дар шаҳр ва минтақа, натиҷагирӣ аз фаъолияти қабулгоҳҳо, омӯзиш ва сайқал додани донишу таҷриба, сари вақт расонидани кӯмаки ҳуқуқӣ ба шаҳрвандон, ба инобат гирифтан ва дар амал татбиқ намудани муроҷиатҳои шаҳрвандон, аз худ намудани механизмҳо оид ба ҳуқуқҳои инсон, инчунин механизмҳои байналмиллалӣ ва миллӣ дар ҳифзи ҳуқуқи инсон, нақши ташкилотҳои ғайридавлатӣ дар ҳимояи ҳуқуқи инсон, нақши технологияи иттилоотӣ ва мушкилот дар самти ҳифз ва ҳуқуқи кӯдак мавриди омӯзиш қарор гирифт. Тренинг бо дастгирии молиявии ниҳоди даниягӣ оид ба ҳуқуқи инсон гузаронида шуд.