Вакилони Парлумони Аврупо -хостори рушди демократия
Душанбе, 6 ноябр.(АМИТ «Ховар», Марзия Саидова).- Раиси Маҷлиси намояндагони Маҷлиси Олии ҷумҳурӣ Шукурҷон Зуҳуров ҳайати вакилони Парлумони Аврупоро таҳти роҳбарии Элизабет Йегле-вакил аз Олмон ба ҳузур пазируфт. Дар ҷараёни мулоқот раиси палатаи поёнии Парлумони Тоҷикистон доир ба тавсеаи равобити ҳасанаи Тоҷикистон бо Парлумони Аврупо ибрози назар намуд ва ба сатҳи ҳамкориҳои Тоҷикистон бо Парлумони Аврупо баҳои баланд дод.
Шукурҷон Зуҳуров аз дастгирӣ ва кӯмакҳои кишварҳои узви Иттиҳоди Аврупо ба Тоҷикистон дар бахшҳои рушди демократия, волоияти қонун, таҳкими ҳифзи сарҳадот, мубориза бо маводи мухаддир, ҳифзи муҳити зист, рушди нақлиёту коммуникатсия, энергетика арзи сипос намуда, зикр кард, ки дар оянда ҳамкориҳо байни Тоҷикистон ва Иттиҳоди Аврупо дар дигар бахшҳо низ тавсеа хоҳанд ёфт.
Вакилони Парлумони Аврупо дар навбати худ роҷеъ ба таҳкими равобити Иттиҳоди Аврупо бо Тоҷикистон табодули назар намуда, хостори тавсеаи ҳамкорӣ дар бахшҳои рушди демократия, ҳифзи ҳуқуқ ва озодиҳои инсон гардиданд.
Бояд тазаккур дод, ки ҳадафи сафари ҳайати вакилони Парлумони Аврупо ба Тоҷикистон ба ҳайси нозирони байналмилалӣ мушоҳида намудани ҷараёни баргузории интихоботи Президенти Ҷумҳурии Тоҷикистон аст, ки имрӯз, 6 ноябр доир гардида истодааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






