Ҳалокати 436 нафар дар роҳҳои мошингард
Душанбе, 10 декабр. (АМИТ «Ховар», Лутфия Эшонқулова).- Дар 11 моҳи соли ҷорӣ дар роҳҳои мошингарди Ҷумҳурии Тоҷикистон 1330 ҳодисаҳои роҳу нақлиётӣ ба қайд гирифта шудааст, ки дар натиҷаи онҳо 436 нафар ба ҳалокат расида, 1434 нафар ҷароҳати гуногуни ҷисмонӣ бардоштаанд.Тавре ки сомонаи расмии ВКД хабар медиҳад, нисбат ба ҳамин давраи соли гузашта шумораи ҳодисаҳо 74 адад (5,9%), ҳалокшудагон 29 нафар (7,1%) ва маҷруҳшудагон 49 нафар (3,5%) зиёд шудааст.Аз таҳлилҳо бармеояд, ки агар ин ҳолат аз як тараф, аз қоидавайронкуниҳои пиёдагардон ба вуқуъ омада бошад, аз тарафи дигар ин риоя накардани меъёрҳои амалкунанда аз ҷониби ронандагони воситаҳои нақлиёт мебошад. Баҳри пешгирии ҳодисаҳои роҳу нақлиётӣ ҳамарӯза дар асоси таҳлилҳо ҳайати шахсӣ тибқи нақшаҳои ҷобаҷогузорӣ ба хизмат оид ба назорат аз болои ҳаракат сафарбар мешаванд. Кормандон дар дастурҳои пешазхизматӣ тибқи таҳлилҳои вазъи садаманокӣ ба пешгирии қоидавайронкуниҳое вазифадор мешаванд, ки сабабгори асосии содиршавии садамаҳои нақлиётӣ мебошанд.Ҳамчунин БДА ВКД ҶТ ба маълумоти шаҳвандон мерасонад, ки овозаҳо дар хусуси аз соли нав баланд шудани нархи шаҳодатномаҳои ронандагӣ ягон асоси воқеӣ надошта, масъалаи ронандатайёркунӣ дар ҷумҳурӣ тибқи тартиби муқарраргардида ба роҳ монда шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






