Ҳалокати шаҳрванди ҶТ бар асари таркиш дар Волгоград

Душанбе, 31 декабр. (АМИТ «Ховар», Лутфия Эшонқулова).- Ба Намояндагии Хадамоти муҳоҷирати назди Вазорати меҳнат, муҳоҷират ва ҳифзи иҷтимоии аҳолӣ хабар расид, ки бар асари таркиш дар шаҳри Волгоград як шаҳрванди ҶТ — сокини шаҳри Турсунзода Назаров Тошпулод Эргашевич ба ҳалокат расидааст.Тавре ки хадамоти матбуоти муассисаи мазкур пештар хабар дода буд, дар натиҷаи амалиёти террористӣ боз як шаҳрванди ҶТ – Ғозиев Раҳмоналӣ Меликович, сокини 42 – солаи шаҳри Душанбе, захм бардошта, дар ҳолати вазнин дар беморхонаи шаҳри Волгоград бистарӣ шудааст. Хотирнишон месозем, ки 29 декабр дар бинои вокзали шаҳри Волгоград таркиш ба амал омада, бар асари он 16 нафар ҳалок гардида, беш 30 нафар захм бардоштанд.