Ҳамкорӣ рушд меёбад

 
Душанбе, 19 декабр. (АМИТ «Ховар»,  Кристина  Эрлих).-   18  декабр президенти  Академияи  таҳсилоти  Тоҷикистон  Ирина  Каримова  ва   ноиби  президенти  Академияи   илмҳои  педагогии  Украина  Владимир  Луговой  Созишномаи  ҳамкории  илмиро   имзо  намуданд. 
 
Тавре ки  аз  Академияи  таҳсилоти Тоҷикистон  ба  АМИТ «Ховар»  хабар доданд,  ҷонибҳо  нуктаҳои Созишномаи  байни Ҳукумати  Ҷумҳурии Тоҷикистон ва  Девони  вазирони  Украина  дар  бораи   ҳамкории  илмию  техникӣ  аз  6  июли  соли  2001 – ро  ба  инобат  гирифта,  изҳор  доштанд, ки   ҳамкории  мутақобилан  муфидро  дар  соҳаи  таҳсилот,  омӯзгорӣ  ва   равоншиносӣ  ба  манзури   истифодаи  судманди  нерӯи  илмии давлат рушду  густариш  бахшида,  дар  самтҳои  мубодилаи  адабиёти  илмию усулӣ  ва  сафари   кормандони   илмӣ  барои  гузоришот ва таҷрибаомӯзӣ  ҳамкорӣ  хоҳанд  кард.