Ҳамкории Тоҷикистону Чин густариш меёбад

Душанбе, 27 декабр. (АМИТ «Ховар», Фарзона Достонзода).- 26 декабр дар шаҳри Душанбе мулоқоти раиси Палатаи савдо ва саноати Ҷумҳурии Тоҷикистон Шариф Саид ва Менеҷери кулли ширкати «China Xinjiang R- space Exhibition Co.,Ltd» воқеъ дар шаҳри Урумчи Сяо Чун баргузор гардид.Тавре ки аз маркази матбуоти ПСС ҶТ ба АМИТ «Ховар» хабар доданд, ширкати мазкур ба ташкили намоишгоҳҳо, ҳамчунин истеҳсол, содирот ва насби таҷҳизоти танвирӣ машғул аст. Сяо Чун зикр намуд, ки мақсад аз сафараш дарёфти мушорикони тиҷоратӣ дар Тоҷикистон барои фурӯши маҳсулоташ дар ҷумҳурӣ мебошад.Шариф Саид ба намояндагони ширкат пешниҳод намуд, ки барои намоиши маҳсулоташон ба соҳибкорони тоҷик ва шиносоӣ бо аҳли тиҷорат дар намоишгоҳҳое, ки палата соли 2014 дар шаҳри Душанбе ташкил менамояд, иштирок кунанд.