Ҷаласаи ҷамъбастии Шӯрои ҳамоҳангсозӣ дар соли 2013
Душанбе, 27 декабр. (АМИТ «Ховар»).-Ҷаласаи ҷамъбастии Шӯрои ҳамоҳангсозӣ оид ба сӯйистеъмоли маводи нашъадор дар соли 2013 25 декабр дар Душанбе баргузор гардид. Ҷаласа таҳти раисии муовини Сарвазири Ҷумҳурии Тоҷикистон, Раиси Шӯрои ҳамоҳангсозӣ Марҳабо Ҷабборова доир шуд. Дар кори ҷаласа инчунин намояндагони Вазорати тандурустӣ, меҳнат, муҳоҷират ва шуғли аҳолӣ, маориф, фарҳанг, кумитаҳои ҷавонон, варзиш ва сайёҳӣ, телевизион, занон ва оилаи назди Ҳукумати ҶТ иштирок намуданд.Баъди кушодашавии ҷаласа намояндагони ҳукумати ноҳияи Сино, Шоҳмансур ва Исмоили Сомонии шаҳри Душанбе оид ба бартараф кардани камбудиҳое, ки дар ҷараёни санҷиш аз ҷониби кормандони Агентии назорати маводи нашъаовари назди Президенти Ҷумҳурии Тоҷикистон дар фаъолияти шӯроҳои ҳамоҳангсозӣ ошкор шуда буданд, маълумот доданд.Тавре ки аз маркази матбуоти АНМН ба АМИТ «Ховар» хабар доданд, ҷиҳати тақвияти корҳои фаҳмондадиҳӣ дар байни аҳолии шаҳр Шӯрои ҳамоҳангсозӣ пешниҳод намуд, ки диққати асосӣ ба оилаҳо дар самти таълиму тарбияи насли наврас ва таблиғоти тарзи ҳаёти солим, беҳтар кардани шариоити фароғатии онҳо, инчунин ҷалби наврасон ва ҷавонон ба тарбияи ҷисмонӣ ва варзиш дода шавад.Вобаста ба ин пешниҳод шуд, ки майдончаҳои варзишии наздиҳавлигӣ бо кӯшиши якҷояи ҳукуматҳои маҳалӣ ва сокинон барқарор гарданд, мунтазам иқдомҳои дорои характери иттилоотӣ гузаронида шаванд ва барои пахши онҳо васоити ахбори омма ҷалб шаванд. Дар вақти муарифии ҷараёни амалишавии «Барномаи миллӣ оид ба пешгирии паҳншавии нашъамандӣ ва такмили кӯмаки наркологӣ дар ҶТ барои солҳои 2013-2017», муовини вазири тандурустии ҶТ Соҳиб Раҳмонов мушкилотҳое, чун пурра мукаммал набудани воҳидҳои бастии духтурон-наркологҳо дар ҷумҳурӣ ва камбудии ҳамоҳангӣ дар байни мақомоти давлатӣ дар самти пешгирии нашъамандиро мавриди баррасӣ қарор дод.Қайд гардид, ки танҳо бо кӯшиши якҷоя ва амалҳои мушаххас дар самти мубориза бо нашъамандӣ ба муваффақиятҳо ноил шудан мумкин аст.Ҷиҳати ташкили кори самарабахш Шӯрои ҳамоҳангсозӣ лоиҳаи нақша барои соли 2014-ро муҳокима намуд, оид ба гузаронидани ҷаласаи ғайринавбатӣ бо ҷалби ташкилотҳои байналмилалӣ ва ғайридавлатӣ, инчунин кишварҳои кӯмакрасон дар самти амалисозии вазифаҳое, ки дар Стратегияи миллии мубориза бо гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020 гузошта шудаанд, қарор қабул намуд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
