Ҷаласаи навбатии Гуруҳи кории байналмилалӣ

Душанбе, 24 декабр. (АМИТ «Ховар», Лутфия Эшонқулова).- Дар доираи татбиқи Лоиҳаи Раёсати СММ оид ба маводи мухаддир ва ҷинояткории Агентии назорати маводи нашъаовари Ҷумҳурии Тоҷикистон (АНМН) -марҳилаи II 23 декабри соли равон дар агентӣ ҷаласаи навбатии нақшавии Гуруҳи кории байналмилалӣ баргузор гардид.Тавре ки ба АМИТ «Ховар» аз маркази матбуоти АНМН хабар доданд, дар кори ҷаласа Директори агентӣ, ҳамоҳангсозони барномавӣ/лоиҳавии Намояндагии Раёсати СММ оид ба маводи мухаддир ва ҷинояткорӣ дар Тоҷикистон ва Осиёи Марказӣ, кормандони масъули Сафорати ИМА дар Тоҷикистон, Хадамоти Федеролии назорати маводи нашъаовари Русия, ҳамчунин роҳбарони хадамоти муҳими АНМН иштирок намуданд.Дар ҷаласа ҷараёни иҷрои чорабиниҳои ба маблағгузории воҳидҳои агентӣ алоқаманд барои нимсолаи якум дар соли 2013 мавриди баррасӣ қарор гирифтанд.Бо мақсади рушди самараноки фаъолияти Агентӣ қарор карда шуд, ки ба расонидани воситаҳои техникии махсус ва техникаи ташкилӣ идома дода шавад, ҳамчунин расонидани кӯмак барои такмили ихтисоси кормандони агентӣ идома дода шавад.Ёдовар мешавем, ки яке аз вазифаҳои Гуруҳи кории байналмилалӣ истифодаи мақсаднок ва пурсамари воситаҳои пулие мебошад, ки барои рушди Агентии назорати маводи нашъаовар Раёсати СММ оид ба маводи мухаддир ва ҷинояткорӣ ва маблағгузорони лоиҳа ҷудо кардаанд.