Ҷаласаи Шӯрои ҳамоҳангсозӣ

Душанбе, 30 декабр. (АМИТ «Ховар», Лутфия Эшонқулова).- Дар шаҳри Душанбе таҳти раёсати муовини Сарвазири Ҷумҳурии Тоҷикистон, раиси Шӯрои ҳамоҳангсозӣ Марҳабо Ҷабборова ҷаласаи ҷамъбастии Шӯрои ҳамоҳангсозӣ оид ба ҷилавгирии сӯиистемолӣ маводи мухаддир дар соли 2013 баргузор гардид. Назар ба тавзеҳи манбаъ, «Шӯрои ҳамгироӣ барои вусъат бахшидани кори тавзеҳотии байни аҳолии шаҳр пешниҳод намуд, ки ба оилаҳо дар тарбияи насли наврас ва тарғиби тарзи солими зиндагӣ таваҷҷӯҳи хоса зоҳир намуда, шароити истироҳати наврасону ҷавонон беҳтар намуда ва онҳо ба тарбияи ҷисмонӣ ва варзиш бештар ҷалб карда шаванд. Муовини директори Агентии назорати маводи нашъаовар Бунафша Одинаева натиҷаи кори Шӯрои ҳамгироиро ҷамъбаст намуда, зикр кард, ки дар ҷаласаҳои шӯро масоили ҷилавгирии сӯиистеъмоли маводи нашъаовар ва ҷараёни татбиқи барномаи таҷрибавӣ муҳокима ва барои ҳалли онҳо чораҳои дахлдор дида шуданд. Шӯрои ҳамоҳангсозӣ лоиҳаи дурнамо барои соли 2014 – ро муҳокима намуда, дар бораи гузаронидани ҷаласаи ғайринавбатӣ бо иштироки созмонҳои байналмилалию ғайриҳукуматӣ қарор қабул кард.