Ҷамъбасти «Бренди сол-2013» дар Душанбе

Душанбе, 5 декабр. (АМИТ «Ховар», Фарзона Ашӯрмадова).- Рӯзи 12-уми декабри соли равон маросими супоридани ҷоизаи озмуни ҷумҳуриявии «Қуллаи шараф» дар меҳмонхонаи «Hyatt Regency»-и Душанбе баргузор мегардад.Дар чорабинӣ доираи васеи бахшҳои давлатӣ ва хусусӣ, ташкилотҳои байналмилалӣ, намояндагони ширкатҳо ва ташкилотҳо ширкат хоҳанд кард. Дар назар аст дар чорабинии мазкур ситораҳои эстрадаи тоҷик ширкат варзанд.Ёдрас мешавем, ки озмуни «Бренди сол» аз моҳи сентябри соли равон оғоз гардида, дар он тахминан 50 ширкати ватанӣ иштирок намуданд.Ҳадафи асосии озмун ҳавасмандгардонии ширкатҳо оид ба истифода ва пешбурди бренди худ мебошад.