Ҷоизасупории «Бренди Сол-2013»

Душанбе, 11 декабр. (АМИТ «Ховар») — Пагоҳ, 12 декабри соли 2013 дар меҳмонхонаи «Hyatt Regency Dushanbe» маросими супоридани ҷоизаи «Бренди сол 2013» аз натиҷаи озмуни ҷумҳуриявии «Қуллаи шараф» баргузор мегардад. Дар чорабинӣ доираи васеи бахшҳои давлатӣ ва хусусӣ, ташкилотҳои байналмилалӣ, намояндагони ширкатҳо ва ташкилотҳо иштирок мекунанд.Ҳадафи асосии озмун ҳавасмандгардонии ширкатҳо оид ба истифода ва пешбурди бренди худ мебошад. Иштирок ва ғолибият дар ин озмун обрўи ширкатро беҳтар намуда, ба ҷоизадорон имконияти ба даст овардани маъруфиятро миёни истеъмолкунандагон ва рақибон дар ҷумҳурӣ ва берун аз он медиҳад. Дар чорабинии мазкур ҳунармандони эстрадаи тоҷик ширкат меварзанд.Зикр бояд намуд, ки тахминан 50 ширкат дар ин озмун иштирок варзидаанд.