Афзоиши ангишт дар корхонаҳои соҳа

Душанбе, 18 декабр. (АМИТ «Ховар», Фарзона Ашӯрмадова).-Дар 11 моҳи соли равон фурӯши ангишт 450 ҳазор тоннаро ташкил додааст, ки нисбат ба ҳамин давраи соли гузашта зиёд мебошад.
Тавре ки дар ин бора аз Вазорати саноат ва технологияҳои нави Тоҷикистон хабар доданд, корхонаҳои соҳаи ангишт бо мақсади иҷрои Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони соли 2013-14» оид ба таъмини аҳолӣ бо маводи ниёзи аввал, аз ҷумла ангишт, ки истихроҷи онро ба миқдори зиёда аз ним миллион тонна (505822тн.) расонида, нисбат ба соли гузашта 100 ҳазор тонна зиёд мебошад.Гуфта мешавад, ки феълан дар анборҳои корхонаҳои соҳаи ангишт ва нуқтаҳои фурӯши он зиёда аз 85 ҳазор тонна ангиш захира шудааст.