Афзоиши масолеҳи сохтмонӣ дар ҷумҳурӣ

Душанбе, 26 декабр (АМИТ «Ховар», Фарзона Ашӯрмадова).-Корхонаҳои соҳаи маводи сохтмон дар 11 моҳи соли равон ба маблағи 414,6 миллион сомонӣ масолеҳ истеҳсол карданд, ки нисбат ба ҳамин давраи соли гузашта 25,9 миллион сомонӣ зиёд мебошад.Тавре ки дар ин бора аз Вазорати саноат ва технологияҳои нав хабар доданд, дар ин давра 306,2 ҳазор тонна семент истеҳсол шудааст, ки назар ба соли гузашта 85,3 ҳазор тонна зиёд мебошад.Гуфта мешавад, ки дар як сол 80,8 ҳазор тонна қуми квартсӣ ба маблағи 2 миллион доллари ИМА ва 204 тонна масолеҳи рангубор ба маблағи 138,9 ҳазор доллари ИМА ба хориҷи кишвар содир шудааст. Ба иттилои манбаъ, корҳо дар самти таҷдиди хумдони № 4-и ҶСК «Сементи Тоҷик» ва ба истифодаи ангишт гузаронидани он идома доранд.