Баррасии вазъи маводи мухаддир

Душанбе, 20 декабр. (АМИТ «Ховар», Лутфия Эшонқулова).- 19 декабр директори Агентии назорати маводи нашъаовари назди Президенти ҶТ Рустам Назаров намояндаи расмии Дафтари федералии пулиси ҷиноятсанҷи Ҷумҳурии Федеративии Олмон дар Тоҷикистон, Қазоқистон ва Қирғизистон Михаел Пабстро ба ҳузур пазируфт.Назар ба хабари маркази матбуоти Агентии назорати маводи нашъаовар, Рустам Назаров дар бораи вазъи маводи мухаддир дар минтақа ва Тоҷикистон, тадбирҳои Ҳукумати ҷумҳурӣ дар бахши назорати маводи мухаддир, фаъолияти Агентӣ ва мақомоти дигари ҳифзи хуқуқи ҶТ дар мубориза бо қочоқ ва гардиши ғайриқонунии маводи нашъаовар нақл кард.Дар ҷараёни сӯҳбат масоили марбут ба назорати моддаҳои фалаҷкунандаи асаб, пешгӯии вазъи маводи мухаддир дар минтақа баъди соли 2014 аз Ҷумҳурии Исломии Афғонистон хориҷ шудани қӯшунҳои НАТО, ҳамчунин масъалаҳои таълими кормандони мақомоти ҳифзи ҳуқуқи ҶТ аз ҷониби Дафтари федералии пулиси ҷиноятсанҷи Ҷумҳурии Федеративии Олмон муҳокима шуданд.