Боздошти 24000 дона маводи тарфгарӣ аз Очилзода Илҳом

Душанбе, 11 декабр. (АМИТ «Ховар», Сабоҳат Қадамова)-Кормандони милитсия дар шаҳри Хуҷанд 24000 дона маводи тарфгарӣ (пиротехникӣ) дарёфт ва мусодира карданд.Тавре ки дар ин бора сомонаи Вазорати корҳои дохилии кишвар хабар медиҳад, дирӯз, 10-уми декабри соли равон, кормандони милитсия зимни гузаронидани чораҳои фаврию ҷустуҷӯӣ дар ҳудуди маҳаллаи 34-уми шаҳри Хуҷанд мошини тамғаи «Опел-Астра», рақами давлатиаш ТJ 66-56 АН 02, ки таҳти идораи шаҳрванд Очилзода Илҳоми 18-сола сокини ноҳияи Бобоҷон Ғафуров қарор дошт, боздошт карданд. Ҳангоми азназаргузаронии мошини мазкур аз дохили бағоҷ 24000 дона маводи тарфгарӣ (пиротехникӣ) дарёфт ва мусодира шуд. Нисбат ба ҳодисаи мазкур тафтишот идома дорад.