Бозгашти ҳайати Тоҷикистон аз Киев
Душанбе, 10 декабр. (АМИТ «Ховар», Кристина Эрлих).- Ҳайати Тоҷикистон, ки дар намоишгоҳи махсуси байналмилалии «Fresh Produce Ukraine» (Фреш Продюс Юкрейн) иштирок дошт, аз шаҳри Киеви Украина баргашт. Тавре ки аз Палатаи савдо ва саноати Тоҷикистон ба мухбири АМИТ «Ховар» хабар доданд, дар ҳошияи намоишгоҳ конфронси махсус таҳти унвони «Сабзавоту меваи Украина» баргузор гардид. Ин чорабинӣ ба иштирокдорони конфронс имкон дод, ки аз вазъи бозори меваю сабзавот ва дурнамои рушди бозор тасавуроти пурра пайдо намуда, навигариҳои технологияҳои парвариши сабзавот, коркард, бастабандӣ, ҳифз ва маркетинги бахши меваю саюзавотро арзёбӣ намоянд. Дар ҳошияи намоишгоҳ мулоқоти директори генералии Палатаи савдо ва саноати вилояти Суғд Мақсуд Зиёбоев ва ноиби президенти Палатаи савдо ва саноати шаҳри Киев А.Шорбулак баргузор гардид.Зимни мулоқот масоили ҳамкории тиҷоратию иқтисодӣ, шиносоӣ бо вазъи сармоягузорӣ дар Тоҷикистон, иштироки корхонаю ширкатҳо ва аъзои Палатаи савдо ва саноати шаҳри Киев дар лоиҳаҳои сармоягузорӣ ба Тоҷикистон, ҳамчунин дар шаҳри Хуҷанд доир намудани намоишгоҳи маҳсулоти Украина мавриди баррасӣ қарор гирифтанд.
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
