Буклетҳо дар бораи навигариҳои қонуни муҳоҷират

Душанбе, 11 декабр. (АМИТ «Ховар», Лутфия Эшонқулова).- Намояндагии Хадамоти муҳоҷирати назди Вазорати меҳнат, муҳоҷират ва шуғли аҳолии ҶТ дар Федератсияи Русия бо дастгирии Бюрои созмони байналмилалии муҳоҷират дар шаҳри Маскав барои муҳоҷирони меҳнатие, ки барои иҷрои кор ба Русия меоянд, буклетҳо таҳия намуд. Назар ба хабари хадамоти матбуоти Намояндагии Хадамоти муҳоҷират, дар буклетҳо перомуни навигариҳои қонуни муҳоҷират, қонунӣ гардонидани фаъолияти меҳнатӣ, тартиби баҳисобгирии муҳоҷирон ва ғайра маълумоти муфассал дода мешавад. Маросими супурдани буклетҳо 10 декабр дар дафтари намояндагии Хадамоти муҳоҷират баргузор гардид.