Чанд хабар аз хоириҷи кишвар
Амалиёти мақомоти полиси МексикаДушанбе, 5 декабр.(АМИТ «Ховар»).- Кормандони мақомоти полиси Мексика зимни амалиёти густурда гуруҳи ҷинояткоронро, ки зарфи маводи радиактивиро рабуда буданд, боздошт карданд.Бояд гуфт, ки нақлиёти боркаши махсус маводи радиоактивиро аз шуъбаи рентгении беморхонаи шаҳри Техуан ба анбори партовҳои маводи радиоактивӣ интиқол медод. Маводи радиактивиро ҷинояткорон аз нақлиёти боркаш дастрас кардаанд. Муноқишаи хабарнигорони ВаленсияДушанбе, 5 декабр.(АМИТ «Ховар»).- Полиси Испания дар муноқишаи хабарнигорони телевизиони «RTВВ»-и музофоти Валенсия бо ҳукуматдорони маҳаллӣ дахолат кард. Қаблан ҳукуматдорон тасмим гирифта буданд, ки аз тариқи суд ҳайати кормандони телевизионро ихтисор созанд. Вале ин иқдом ба онҳо даст надод. Дар натиҷа мақомоти қудратӣ роҳбарияти шабакаро барои берун овардани кормандонаш аз дохили коргоҳ маҷбур сохт.
Амалиёти ҷустуҷўӣ дар Мурманск Душанбе, 5 декабр.(АМИТ «Ховар»).- Амалиёти ҷустуҷўӣ дар вилояти Мурмански Федератсияи Русия барои боздошти ҷинояткоре, ки аз тариқи силоҳ се нафарро мавриди ҳамла қарор дода буд, идома дорад. Хотиррасон мекунем, ки дар пайи ҳамлаи силоҳбадаст ду нафар ба ҳалокат расида, як тани дигар ҷароҳати вазнин бардошта бистарии беморхона гардидааст. Вазъияти фавқулодда дар шимоли Чин Душанбе, 5 декабр.(АМИТ «Ховар»).- Муддати чанд рӯз аст, ки минтақаҳои қисми шимолии Ҷумҳурии Мардумии Чинро чангу ғубор фаро гирифтааст. Вазъияти мавҷуда ба ҳаракати воситаҳои нақлиёт дар ҷодаҳо мушкилӣ пеш оварда, ба фаъолияти чандин муассисаи таълимӣ халал эҷод кардааст. Вазъияти аз ҳама душвор дар шаҳрҳои Шанхай, Ситао ва Нанкин ба назар мерасад. Ҳукуматдорони мамлакат бо мақсади ҷилавгирӣ аз ҳолати мазкур коркарди истеҳсолотро дар корхонаҳо ва истифодаи нақлиёти шахсиро дар роҳҳо муваққатан манъ намудаанд. Тирпарронӣ дар шаҳри Нютауни Амрико Душанбе, 5 декабр.(АМИТ «Ховар»).- Вобаста ба ҳодисаи тирпарронӣ дар мактаби деҳаи Сенди шаҳри Нютауни Амрико, ки моҳи декабри соли гузашта рух дода буд, маълумоти нав интишор гардид. Маълумоти ҷадид занги телефонӣ ба рақами 9.1.1 мебошад. Ҳукуматдорон талош доштанд, ки дар арафаи соли нави мелодӣ бо мақсади ором сохтани сокинони мамлакат ин маълумот интишор нагардад. Бояд гуфт, ки ифшои занги телефонӣ ба солгарди ин фоҷеа рост омад. 14-уми декабри соли гузашта Адам Лензи вориди муссисаи таълимии шаҳри Нютаун шуда, бо истифода аз силоҳ 20 толибилм ва 6 нафар омўзгорро ба ҳалокат расонда буд. Тарҷумаи Иброҳими Ҳабибуллоҳ








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






