Чанд хабар аз хориҷи кишвар

Декабрь 11, 2013 14:11

Амалиёти полиси Доғистон Душанбе, 11 декабр.(АМИТ «Ховар»).-Кормандони мақомоти полиси Ҷумҳурии Доғистони Федератсияи Русия зимни амалиёти бобарор 55 нафар аъзои яке аз гуруҳҳои террористиро дастгир намуданд. Гуфта мешавад, ки аз байни боздоштшудагон се нафарашро роҳбарони гуруҳ ташкил медиҳад. Аз дастгиршудагон ба миқдори зиёд силоҳи оташфишон ва адабиёти ифротӣ низ дарёфту мусодира карданд. Муҳориба дар Африқои Марказӣ Душанбе, 11 декабр.(АМИТ «Ховар»).-Зимни муҳорибаҳо дар байни силоҳбадастон ва низомиёни Фаронса дар Ҷумҳурии Африқои Марказӣ 2 афсари фаронсавӣ ба ҳалокат расид. Президенти Фаронса Франсуа Олланд, ки дар шаҳри Банги қарор дорад, иброз доштааст, ки ҳалокати афсарон барои қатъи амалиёт дар Африқои Марказӣ сабаб шуда наметавонад. Намоиши эътирозӣ дар Украина Душанбе, 11 декабр.(АМИТ «Ховар»).-Дар Украина кормандони мақомоти полис чанд нафар фаъоли иштирокчии тазоҳуротро дар майдони «Истиқлолият»-и шаҳри Киев, ки аслан ҷонибдори шомилшавии кишварашон ба Иттиҳоди Аврупо мебошанд, бо истифода аз воситаҳои гуногун пароканда сохтанд. Новобаста аз тадбирҳои шадиди мақомоти қудратӣ, намоиши эътирозии сокинон дар Украина ҳамоно идома дорад. Рабудани хабарнигорони Испания дар СурияДушанбе, 11 декабр.(АМИТ «Ховар»).-Музокирот оид ба раҳо кардани хабарнигорони Испания аз ҷониби силоҳбадастон дар Сурия то ҳол натиҷаи мусбат надодааст. Хотиррасон мекунем, ки хабарнигорони Испанияро моҳи сентябри соли равон дар Сурия силоҳбадастони номаълум рабуда буданд. Хабарнигорон то ҳол дар асорат қарор дошта, оид ба раҳо кардани онҳо маълумот дода намешавад. Иштироки 90 кишвар дар маросими видоъ Душанбе, 11 декабр.(АМИТ «Ховар»).-Бо вуҷуди боришоти борони пуршиддат дар маросими видоъ бо собиқ президенти Африқои Ҷанубӣ Нелсон Мандела ҳазорҳо нафар намояндагони кишварҳои хориҷӣ ва шаҳрвандони мамлакат дар варзишгоҳи марказии шаҳри Йоҳаннесбург ҷамъ омаданд. Ба маросим ҳамзамон роҳбарони қариб 90 кишвару созмони ҷамъиятӣ омада буданд. Маросими видоъ бо Нелсон Мандела 3 рўзи дигар дар Африқои Ҷанубӣ идома ёфта, маросими дафни собиқ президенти Африқои Ҷанубӣ рўзи якшанбе дар зодгоҳаш- деҳаи Куну баргузор мегардад. Тарҷумаи Иброҳими Ҳабибуллоҳ

Декабрь 11, 2013 14:11

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд