Чанд хабар аз хориҷи кишвар
Раҳо кардани хабарнигор аз дасти силоҳбадастон Душанбе, 16 декабр.(АМИТ «Ховар»).Ҳафтаи равон дар Филиппин хабарнигори шабакаи телевизионии «Ал- Арабия»-и Урдун, ки 1,5 сол қабл аз ҷониби гуруҳи «Абу Сайяф» рабуда шуда буд, озод карда шуд. Гуфта мешавад, ки хабарнигор ва наворбардори ин шабакаи телевизионӣ бо мақсади омода кардани гузориш ба назди силоҳбадастон рафта буданд. Қабули қонуни нав дар Русия Душанбе, 16 декабр.(АМИТ «Ховар»).Дар Федератсияи Русия бо мақсади дар мактабҳои таҳсилоти ҳамагонӣ гузарондани тафтишот оид ба истифодаи маводи мухаддир дар байни толибилмон қонуни нав қабул шуд. Тибқи ҳисоботи оморӣ дар 11-моҳи соли ҷорӣ дар ҳудуди Русия ҳашт миллион нафар нашъаманд ба қайд гирифта шудааст. Аксари нашъамандон ҳангоми таҳсил дар мактабҳои таҳсилоти ҳамагонӣ маводи мухаддирро истифода мекардаанд. Тибқи қонуни ҷадид ташхиси толибилм бо розигии волидайн сурат мегирад. Муттаҳам донистани 6 бонки Аврупо Душанбе, 16 декабр.(АМИТ «Ховар»).Комиссияи Аврупо шаш бонки байналмилалиро вобаста ба даст доштан дар амалҳои қаллобӣ ва додани қарзи ғайриқонунӣ ба мизоҷон муттаҳам кард. Бояд гуфт, ки барои риоя накардани фаъолияти бонкӣ ва қонун муассисаҳои молиявӣ ба Иттиҳоди Аврупо дар ҳаҷми 1 миллиарду 700 миллион евро ҷарима хоҳанд супурд. Бонки «Ю-би-эс»-и Швейтсария ва «Барклайс»-и Британияи Кабир барои ҳамкорӣ дар ҷараёни тафтишот аз ҷарима озод шуд. Бонкҳое, ки ҷарима баста шудаанд, «Дойчбонк», «Сесете Ҷенерал», «Роял Бонк оф Скотланд», «Ар Пи Мартин Холдинг», «Ҷей-пи-морганчейз» ва «Сити Групп мебошад.Конфронси байналмилалӣ дар АвстрияДушанбе, 16 декабр.(АМИТ «Ховар»).-Тавре ки дар торномаи интернетии Russian to Day (Рашн ту Дей) омадааст, Созмони кишварҳои содиркунандаи нафт «ОПЕК»-ро оид ба зиёд гардидани истеҳсоли нафту гази слансӣ дар Амрико эҳтимол дучори мушкилот созад. Дар конфронси навбатии кишварҳои аъзо таъкид шудааст, ки созмон дар давоми як шабонарўз 30 миллион баррел нафт истихроҷ менамояд. Иштирокдорони конфронси Созмони кишварҳои содиркунандаи нафт, ки дар пойтахти Австрия- шаҳри Вена доир гардид, вобаста ба вазъияти пешомада ва ҳалли масъалаи глобалӣ нуқтаи назари худро баён доштанд. Тарҷумаи Иброҳими Ҳабибулло








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






