Дар Мурғоб неругоҳи нав бунёд мегардад
Хоруғ, 26 декабр. (АМИТ»Ховар», Файз Мирасан).- Дар ноҳияи баландкуҳи Мурғоб дар болои рудхонаи Оқсу неругоҳи нав бунёд мегардад. Барои бунёди неругоҳи Мурғоб 5 млн. евро аллакай аз ҷониби Бонки олмонии Рушд ҷудо гардид, ки бобати ин шартномаи сеҷониба байни Вазорати рушди иқтисоди Ҷумҳурии Тоҷикистон, ширкати барқи «Помирэнержи» ва Бонки Олмонии Рушд ба тасвиб расид. Сокинони Мурғоб, ки дар иқлими сард ва аз сатҳи баҳр хеле баланд зиндагӣ мекунанд, ба ин неругоҳ ниёзи зиёд доранд. Дар солҳои наздик дар нақша ҳаст, ки боз се неругоҳи миёнаҳаҷм дар вилоят бунёд ёбанд, ки инҳо неругоҳи Себзор дар ноҳияи Роштқалъа, неругоҳи Санобод дар ноҳияи Рӯшон ва неругоҳи Мурғоб дар ноҳияи Мурғоб мебошанд.Дар айни замон дар қаламрави Бадахшон ду неругоҳи калонҳаҷм — неругоҳи барқи обии Помир-1 ва неругоҳи Хоруғ бо иқтидори пурра фаъолият дошта, 80 фоизи аҳолии қаламрави ВМКБ ба неруи барқ дастрасии пурра дорад. Маркази вилоят шаҳри Хоруғ ва навоҳии атрофи он 24 соат дар як шабонарӯз бо неруи барқ таъмин мебошанд, танҳо 20 деҳаи дурдасти куҳистон аз тариқи реҷа бо барқ таъмин мегарданд. ки бештари ин деҳаҳо дар ноҳияҳои Ванҷу Дарвоз ва ноҳияи Мурғоб ҷойгир мебошанд ва дар солҳои наздик бо бунёди неругоҳҳои навбатӣ норасогии неруи барқ дар ин деҳаҳо, аз ҷумла дар қаламрави ноҳияи Мурғоби баландкуҳ низ аз байн меравад. Дар айни замон дар ноҳияи Мурғоб неругоҳи Оқсу, ки солҳои шастуми асри гузшата сохта шудааст, фаъолият дорад.Дар фасли зимистон, ки ҳарорати ҳаво дар ноҳияи Мурғоб ҳатто то ба 45 дараҷа хунукӣ мерасад, оби дарё ях мебандад ва мушкилиҳои зиёдеро дар кори неругоҳ ба миён меорад. Аҳолии ноҳияи Мурғоб имрӯзҳо бештар аз таҷҳизоти аз гармии офтоб неруи барқ ҳосилкунанда истифода мебаранд ва баробари ба охир расидани корҳои лоиҳакашӣ дар соли 2014 бунёди неругоҳи Мурғоб дар дарёи Оқсу оғоз меёбад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






