Дарёфт ва мусодираи маводи тарфгарӣ

Душанбе, 10 декабр. (АМИТ«Ховар», Лайло Қосимова). -9 декабри соли равон, аз ҷониби кормандони Раёсати ҳифзи тартиботи ҷамъиятии Вазорати корҳои дохилӣ бо роҳбарии сардори раёсати мазкур полковники милитсия Ҳомидов Бароталӣ, зимни гузаронидани чораҳои фаврӣ-ҷустуҷӯӣ шаҳрванд Хоркашов Ҷумъабек Маҳмадбекович, соли таваллудаш 1993, сокини кӯчаи Репинаи шаҳри Душанбе, ҳамчун гумонбар дар ғайриқонунӣ нигоҳ доштани маводи тарфгарӣ (пиротехникӣ) дастгир шуд. Ҳангоми кофтукови шахсӣ аз борхалтаи ӯ 549 805 дона маводи тарфгарӣ дарёфт ва мусодира шуд. Дар айни ҳол ин ҳодиса мавриди санҷиш қарор дорад.  Тавре ки аз дафтари матбуоти Вазорати корҳои дохилии ҶТ хабар доданд, дар ин рӯз инчунин ҳангоми гузаронидани чораҳои фаврӣ-ҷустуҷӯӣ, аз ҷониби кормандони ШВКД ноҳияи Истаравшан, шаҳрванд Бурҳонов Ҳомид Ҳомидович, соли таваллудаш 1980, сокини ҳамин ноҳия бо гумони ғайриқонунӣ нигоҳ доштани маводи тарфгарӣ (пиротехникӣ) дастгир шуд. Ҳангоми азназаргузаронии мошини шахсиаш -тамғаи «Опел-Вектра» бисту чор ҳазор дона маводи тарфгарӣ дарёфт ва мусодира шуд. Маълум гардид, ки маводи дарёфтшуда ба шаҳрванд Атабоев Ҳусейн Анварович, соли таваллудаш 1995 ва ноболиғон: Додоев Муминҷон Уктамович, соли таваллудаш 1996, Холиқов Шарафҷон Шавкатович, соли таваллудаш 1996, сокинони ноҳияи Истаравшан тааллуқ доштааст.