Дастаи футболи «Амонатбонк» пешсаф аст
Душанбе, 19 декабр. (АМИТ«Ховар», Лайло Қосимова). — Аз нимаи дуюми моҳи декабри соли ҷорӣ 21-умин мусобиқаи анъанавии футболи хурд ба хотири футболбози машҳур Александр Кирсанов дар шаҳри Душанбе оғоз гардид, ки дар он дастаи мунтахаби Бонки давлатии амонатгузории ҶТ «Амонатбонк» низ ширкат дорад. Дар ин мусобиқа беш аз 30 даста аз ҳисоби дӯстдорон ва собиқадорони ин намуди варзиш иштирок ва қувваозмоӣ дорад.
Тавре ки аз хадамоти бонк хабар доданд, аз рӯзи оғози ин мусобиқа то ба имрӯз дастаи «Амонатбонк» бо натиҷаҳои олӣ қувваозмоӣ намуд. Дастаи «Амонатбонк» 12-уми декабр дар вохӯрии аввалини худ бо дастаи «Хайр» бо натиҷаи 9:3 пирӯзӣ ба даст овард. Сипас бо дастаҳои «Ориёнбонк» ва «Қарияи боло» қувваозмоӣ намуда, ҳарду дастаро бо ҳисоби 6:1 ва 5:3 мағлуб намуд. Даста дар бозии навбатии худ бо дастаи «Осимӣ»-и Донишгоҳи техникии Тоҷикистон пирӯзии навбатиро сазовор гашта, бо ҳисоби 4:3 ғолибиятро ба даст овард. Дастаи «Амонатбонк» дар чаҳор бозӣ ғолиб шуда, байни гуруҳҳо пешсаф мебошад.
Қобили зикр аст, ки ин мусобиқа то 26-уми декабр идома ёфта, ғолибон дар се гуруҳ аз ҳисоби собиқадорон ва дӯстдорони варзиш муайян мегарданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






