Дасти кӯмак ба ятимону ниёзмандон
Душанбе, 5 декабр. (АМИТ «Ховар», Раъно Нусратуллоева).-Дирӯз дар Донишгоҳи давлатии омӯзгории Тоҷикистон ба номи С.Айнӣ ба донишҷӯёни ятими кулл ва камбизоат пойафзоли зимистона туҳфа карда шуд. Ташаббуси мазкур бо дастгирии Маркази хайриявии «Илҳом» сурат гирифт. Дар маросими тақдими пойафзолҳо ректори донишгоҳ Абдуҷаббор Раҳмонов зикр намуд, ки дар донишгоҳи мо ятимони кулл ба таври ҳамешагӣ зери таваҷҷуҳ ва ғамхории роҳбарият қарор доранд. Ба ин табақаи донишҷӯён ва умуман, тамоми толибилмон зарур аст, ки аз имконоти мавҷуда ба таври самаранок истифода намоянд, то дар оянда номбардори миллати бошараф ва бонангу номуси тоҷик бошанд. Намояндаи Маркази хайриявии «Илҳом» Аъзам Насимов низ таъкид кард, ки муҳассилинро месазад, ки дар посух ба ин ғамхорию меҳрубониҳо сатҳи донишандӯзии хешро баланд бардоранд ва имтиҳонотро бо баҳои хубу аъло ҷамъбаст намоянд. Ташкилоти хайриявии «Илҳом» минбаъд низ мекӯшад, ки ба ниёзмандон дасти ёрӣ дароз кунад.Тавре ки котиби матбуоти Донишгоҳи омӯзгорӣ Бахтиёри Абдураҳим иттилоъ дод, дар чорабинӣ ба 31 нафар ятими кулл ва 669 нафар донишҷӯи камбизоат, яъне дар маҷмуъ ба 700 нафар толибилм пойафзоли зимистона ройгон тақдим шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






