Давраи шуғломузӣ барои занони хонашин

Хоруғ, 10 декабр. (АМИТ « Ховар», Файз Мирасан).- Боз бист нафар аз сокинони шаҳри Хоруғ пас ба поён расондани давраи омӯзиши семоҳа соҳиби шаҳодатнома ва шуғлҳои гуногун гардиданд. Элчай Мародбекова директори филиали муассисаи таълимии Маркази калонсолони вилоят иброз дошт, ки бештари шунавандагони ин давраҳои омӯзишӣ занону духтарон буданд ва онҳо шуғле надоштанду ба корҳои мавсимӣ машғул буданд. Дар ин се моҳ аз мутахассисони соҳибтаҷриба тарзи коркард, омода ва ба фурӯш баровардани шарбату нӯшоба аз меваю сабзаҷотро омӯхтанд. Элчай Мародбекова баён дошт, ки ҳамасола боғпарварони вилоят даҳҳо тонна меваҷотро ҷамъоварӣ мекунанд, аммо бештари он ба иллати надоштани маълумоти кофӣ оид ба коркард ва захираи он аз байн меравад. Акнун ин занону духтарон имкон доранд меваю сабзавотро аз боғдорон харид намуда, баъди коркард ба фурӯш бароранд.  То ҳол муассисаи давлатии таълимии Маркази калонсолон ба бештар аз 300 нафар сокини вилоят касбҳои мухталифро ёд додааст. Ба гуфтаи масъулини марказ чунин давраҳои омӯзиширо дар дигар навоҳии вилоят низ ба роҳ мегузоранд. Дар деҳоти баландкуҳи Хабости ноҳияи Роштқалъа ин омӯзишҳо ба тозагӣ шуруъ шуданд.