Гуруҳи қочоқбар безарар гардонида шуд

Декабрь 12, 2013 09:18

Душанбе, 12 декабр. (АМИТ «Ховар»).-Тавре ба мо аз маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар доданд, сарҳадбонони тоҷик ҳангоми бурдани наряди сарҳадӣ як гуруҳи қочоқбаронро безарар гардониданд. Сарҳадбонони тоҷик ҳангоми бурдани хизмат дар наряди сарҳадӣ 11 декабр тахминан соатҳои 9-30 дақиқа дар хатти сарҳад дар ҷамоати Пастхуфи ноҳияи Рӯшон дар соҳили дарёи Панҷ се нафар вайронкунандагони сарҳадро мушоҳида намуданд, ки бо шаҳрванди Ҷумҳурии Исломии Афғонистон ғайриқонунӣ додугирифт менамуданд. Сарҳадбонони тоҷик мутобиқи талаботи Оинномаи Қӯшунҳои сарҳадӣ ба сӯи ҳаво тир кушода, талаб намуданд, ки вайронкунандагони реҷаи сарҳадӣ таслим гарданд. Ду нафар аз сарҳадшиканон ба талаботи сарҳадбонон итоат намуда, ба замин хобиданд. Сарҳадшикани сеюм ба сарҳадбонон муқовимат нишон дода, хост аз ҷои ҳодиса пинҳон шавад. Ҳангоме, ки ӯ ба фармони сарҳадбонон итоат нанамуд, наряди сарҳадӣ маҷбур гардид, ки ба сӯи ӯ тир кушояд. Дар натиҷа қочоқбар — сокини 42-солаи деҳаи Пастбаҷуи ҷамоати Пастхуф Шерғозиев Кошиф Шерафканович кушта шуд. Аз ҷои ҳодиса 9 адад шишаи арақ, 6 дона зарфи пластикӣ ва миқдори калони риштаву банд барои амалҳои қочоқбарӣ, инчунин ҳангоми кофтукови либоси кушташуда 2 бандчаи коғазпеч бо хокаи монанд ба героин бо вазни 40 грамм ошкор шуд. Аз рӯи ин ҳодиса тафтишот ҷараён дорад. Дар ин бора котиби маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон Хушнуд Раҳматуллоев хабар дод.

Декабрь 12, 2013 09:18

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд