Хизматрасонии «SMS-банкинг» барои муштариёни «Beeline Тоҷикистон»

Душанбе, 20 декабр. (АМИТ«Ховар», Лайло Қосимова). -Хизматрасонии «SMS-банкинг» акнун барои муштариёни ширкати «Beeline Тоҷикистон» дастрас шуд.  Хизматрасонии «SMS-Банкинг» имконият медихад, ки муштариён таҳлили амалиётҳои бо ҳисоби корти пардохтӣ гузаронидаро назорат баранд. Ба воситаи хизматрасонии «SMS — банкинг» муштариён метавонанд ҳама вақт оид ба бақияи дар корт буда огоҳ бошанд, сари вақт оид ба гузаронидан ва ё гирифтани маблағҳо аз ҳисоби кортӣ маълумот гиранд ва инчунин имконияти пур кардани тавозуни телефони мобилашонро бе ситонидани ҳаққи хизматрасонӣ пайдо намуданд. Барои пайваст шудан ба хизматрасонии «SMS-Банкинг» муштариён метавонанд аз тариқи банкоматҳои ҶСК «Агроинвестбонк» ва ба воситаи хизматрасонии фосилавии Интернет-банкинг мустақилона пайваст шаванд ё ин ки ба дилхоҳ шуъбаи хизматрасонии бонкӣ муроҷиат намоянд. Тавре ки аз хадамоти матбуоти «Агроинвестбонк» хабар доданд, ҳаққи пайвастшавии солонаи хизматрасонӣ 3 доллари ИМА-ро ташкил медиҳад.