Ифтитоҳи маркази хизматрасонии «Эсхата» дар Ғӯлакандоз

Душанбе, 16 декабр. (АМИТ«Ховар», Лайло Қосимова). -Ҷамоати Ғӯлакандоз аз ҷамоатҳои калони ноҳияи Ҷ.Расулов ба ҳисоб рафта, зиёда аз 39 ҳазор нафар аҳолӣ дорад. Сокинони он бештар ба корҳои хоҷагии қишлоқ ва соҳибкории хурд машғул ҳастанд. Бо мақсади наздик шудан ба мизоҷон ва мусоидат намудан дар рушди соҳибкории ноҳия дар ин ҷамоат Маркази нави хизматрасонии бонки «Эсхата» кушода шуд. Дар маросими кушодашавии филиал меҳмонон аз ҷамоат, соҳибкорону тоҷирон ва сокинони фаъоли ноҳия иштирок намуданд. Тавре ки аз хадамоти матбуоти бонк хабар доданд, директори филиали бонки «Эсхата» дар ноҳияи Ҷ. Расулов Бахтиёр Ҳошимов изҳор дошт, ки минбаъд барои боз ҳам осон намудани кори мизоҷон ва умуман сокинони ноҳия марказ хизматрасонии босифатро ба мизоҷони худ мерасонад. Худи ҳамон рȳз аввалин мизоҷони интиқоли пулӣ ва қарзҳо соҳиби туҳфаҳои хотиравӣ гардиданд.