Иштироки Чин дар навсозии роҳҳои Тоҷикистон

Душанбе, 16 декабр. (АМИТ «Ховар», Кристина Эрлих).- Рӯзи ҷумъаи гузашта дар шаҳри Душанбе мулоқоти муовини аввали Вазири рушди иқтисод ва савдо Неъматҷон Бӯриев бо гуруҳи кории Вазорати тиҷорати Ҷумҳурии Мардумии Чин перомуни масъалаи навсозии роҳҳои дохилии шаҳрҳои Қӯрғонтеппа ва Кӯлоб баргузор гардид.Тавре ки аз дафтари матбуоти Вазорати рушди иқтисод ва савдои ҶТ ба мухбири АМИТ «Ховар» хабар доданд, ҳайати Чин бо роҳбарии сардори раёсати кӯмаки хориҷии вазорати мазкур ҷаноби Шэн Тутсзян аз Тоҷикистон боздид намуд. Неъматҷон Бӯриев дар оғози мулоқот аз ҳамкории дуҷониба изҳори қаноатмандӣ кард. Дар ҷараёни мулоқот маълум гардид, ки мақсади асосии сафари ҳайати Чин ба Тоҷикистон иборат аз мулоқоту сӯҳбатҳо бо намояндагони вазорату идораҳои дахлдор перомуни татбиқи лоиҳаи навсозии роҳҳои дохилии шаҳрҳои Кғонтеппа ва Кӯлоб аст.Хотирнишон месозем, ки намояндагони гуруҳи кории Чин дар ҳошияи сафарашон ҳамчунин бо татбиқи лоиҳаи мазкур дар шаҳрҳои Қӯрғонтеппа ва Кӯлоб шинос мешаванд.