Кӯдаконро бе назорат намонед

Душанбе, 2 декабр. (АМИТ«Ховар», Лайло Қосимова). -30 ноябри соли равон Хайрулло Каримови ноқисулақли 16- сола аз нигоҳубини наздикони худ дар канор монда, оғилхонаи сокини деҳаи Деҳлолои ноҳияи Муъминободи вилояти Хатлон Мирзосафар Каримовро оташ задааст. Ҳангоми ба маҳалли ҳодиса расидани оташнишонон аллакай 150 метри мураббаи оғилхонаро бо захираи калони хўроки чорво алангаи оташ фаро гирифта, 2 сар ҳайвони калони шохдор ба ҳалокат расида буд. Дар натиҷаи гузаронидаи амалиёти фаврӣ оташнишонон сўхторро хомўш карданд. Дар вақти сўхтор худи Хайрулло осеб надидааст. Зарари моддӣ 17 000 сомониро ташкил намуда, маблағи молу мулки аз тарафи оташнишонон нигоҳдошта 40 000 сомонӣ мебошад.