Конфронс аз рӯи масоили Афғонистон ва Осиёи Марказӣ
Душанбе, 20 декабр. (АМИТ «Ховар»).- 18 октябр дар шаҳри Брюссел конфронси роҳбарони олимақом дар мавзӯи «Афғонистон ва Осиёи Марказӣ: дурнамо ва хатарот баъди хориҷ намудани Қувваҳои байналмилалии мададгори амният» баргузор гардид. Дар ин бора аз Раёсати иттилооти ВКХ ҷумҳурӣ хабар доданд.Конфронси мазкурро Кумитаи оид ба умури хориҷаи Парлумони Аврупо якҷоя бо ҳайатҳои Парлумони Аврупо оид ба равобит бо Афғонистон ва ҳайати Парлумони Аврупо оид ба равобит бо кишварҳои Осиёи Марказӣ роҳандозӣ намуданд.Дар конфронс Сафири Тоҷикистон Рустамҷон Солиев, шахсони олимақоми Парлумони Аврупо, Хадамоти аврупоии муносибатҳои хориҷӣ, НАТО, Бонки ҷаҳонӣ, сафирон, ҳамчунин намояндагони пажӯҳишгоҳу марказҳои тадқиқоти илмӣ ширкат доштанд. Сафири Тоҷикистон зимни суханрониаш кайд намуд, ки Тоҷикистон ҳамаи ибтикоротеро, ки мақсад аз онҳо барқарор намудани сулҳу суботи Афғонистон аст, дастгирӣ менамояд. Рустамҷон Солиев аҳамияти таҳқиқи ҳамаҷониба ва истифодаи таҷрибаи сулҳу суботи Тоҷикистонро қайд намуд. Зикр шуд, ки Ҳукумати Тоҷикистон ба Афғонистон барои тарбияи кадрҳо, таъмини ин кишвар бо нерӯи барқ афзун намудани марказҳои савдои наздисарҳадӣ ва бунёди кӯпрукҳо ба Афғонистон минбаъд ҳам кӯмак мекунад. Сафирони кишварҳои Осиёи Марказӣ зимни суханрониашон изҳор доштанд, ки ҳукуматҳои кишварҳояшон барои таъмини сулҳу суботи Афғонистон, ҳамчунин барқарор намудани соҳаҳои иқтисодию иҷтимоии ин кишвар минбаъд ҳам ба он дасти ёрӣ дароз мекунанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






