Консерти солинавии «Чину Тоҷикистон як оилаанд»

Душанбе, 26 декабр. (АМИТ «Ховар», Анна Мошенко).- Бо дастгирии Сафорати Ҷумҳурии Мардумии Чин дар Ҷумҳурии Тоҷикистон, Ҷамъияти дӯстии Тоҷикистону Чин, маркази Конфутсии назди Донишгоҳи миллии Тоҷикистон ва Анҷумани ишркатҳои Чин дар ҶТ 24 декабр дар Театри опера ва балети ба номи С.Айнӣ консерти идонаи «Чину Тоҷикистон як оилаанд» баргузор гардид. Вазири фарҳанги Тоҷикистон Шамсиддин Орумбеков зимни суханронии табрикотиаш изҳор дошт, ки «дар давраи ҳамкории Тоҷикистону Чин соҳибкорони Чин ва ҳунарпешагони Тоҷикистон бори нахуст барномаи муштаракро тартиб доданд ва мардуми Тоҷикистон ба забон, расму оин ва фарҳанги ҶМЧ ҳар чи бештар мароқ зоҳир менамояд, ки ин далели ба хам наздикшавии кишварҳоямон мебошад».Дар анҷоми ин чорабинӣ донишҷӯёни Донишгоҳи миллии Тоҷикистон, Донишгоҳи славянии Русия ва Тоҷикистон Консерваторияи миллии ба номи Т.Сатторов, Филармонияи ба номи А.Ҷӯраев, ҳунармандони Сирки давлатии Тоҷикистон, намояндагони федератсияи гӯштини тарзи ушуи ҶТ, мутрибони ширкатҳои Чин воқеъ дар Тоҷикистон ҳунарнамоӣ карданд. Сурудҳои сарояндаи маъруфи тоҷик Фахриддин Малик, Ҳунарпешаи мардумии Тоҷикистон Содиқ Нуралиев ба забонҳои тоҷикию чинӣ дар гумбади театр танинандоз шуданд.