Маҳсулоти пастсифат нобуд карда шуд

Декабрь 23, 2013 11:26

Хоруғ, 23 декабр. (АМИТ «Ховар», Файз Мирасан).-Мутахассисони Раёсати «Тоҷикстандарт» дар Бадахшон дар ҳамкорӣ бо кормандони Раёсати санитарию эпидемологии шаҳри Хоруғ риояи бандҳои Қонун «Дар бораи ҳимояи ҳуқуқи истеъмолкунандагон» ва «Дар бораи бехатарии маҳсулоти хӯрокӣ» дар мағозаву бозорҳои шаҳри Хоруғ ва ноҳияи Дарвозро мавриди санҷиш қарор доданд. Аснои санҷиш миқдори зиёди маҳсулоти равған, маҳсулотҳои қаннодӣ, шир, чой ва дигар намунаҳои маводи ғизо, ки муҳлати истеъмоли онҳо барвақт гузаштааст ва барои инсон хатар доранд, аз фурӯш боздошта шуда, дар ҷои муайян нобуд карда шуданд. Мутахассиси Раёсати стандартизатсия Озод Алиёров баён дошт, ки яке аз сабабҳои ворид гардидани маводи пастсифати озуқаворӣ ба бозору нуқтаҳои савдо- ин бетарафии худи харидорон мебошад, зеро аксарияти онҳо баъди хариди маводи пастсифат онро зуд нобуд месозанд ва ба ниҳодҳои марбута шикоят намебаранд. Дар ҳоле ки қонун ба онҳо ҳуқуқ додааст аз болои ҳар тоҷире, ки маҳсулоти пастсифат дорад, шикоят кунанд ва дар ивази он моли дигар ва ё пулашонро гиранд. Баргузории чунин санҷишу рейдҳо аз ҷониби мутахассисони Раёсати стандартизатсия на танҳо масъулияти фурӯшандаро дар назди харидор баланд мебардорад, балки ҳуқуқи истеъмолкунандаро ҳимоя менамояд ва ба гардишу муомилоти маҳсулоти пастсифат минбаъд монеа эҷод менамояд.

Декабрь 23, 2013 11:26

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд