Маданияти сухан

Декабрь 25, 2013 15:33

Душанбе, 25 декабр.(АМИТ «Ховар», Раъно Нусратуллоева).- 24 декабри соли ҷорӣ дар Китобхонаи миллии Тоҷикистон мизи мудаввар таҳти унвони «Маданияти сухан» баргузор гардид. Дар ҳамоиш муовини Сарвазири Ҷумҳурии Тоҷикистон Марҳабо Ҷабборова сухан гуфт. Ҳамзамон раиси Кумитаи забон ва истилоҳоти назди Ҳукумати Ҷумҳурии Тоҷикистон, профессор Гавҳар Шарофова дар мавзӯи «Фарҳанги суханварӣ ва ҷомеаи муосир», Нависандаи халқии Тоҷикистон Саттор Турсун зери унвони «Забони телевизион, радио ва мушкилоти он» мулоҳизаронӣ намуданд. Дар чорабинӣ намояндагони Академияи илмҳои Ҷумҳурии Тоҷикистон, Иттифоқи нависандагон, Иттифоқи журналистон, роҳбарияти ВАО-и ҷумҳурӣ, намояндагони донишгоҳҳову донишкадаҳо ва олимону адибони шинохта ширкат варзиданд. Ҳадафи ҳамоиш ҷустуҷӯи роҳҳои аз миён бурдани нобасомониҳо ва муносибатҳои беэҳтиромона нисбат ба забони давлатӣ буд. Ҳодисаи дигари номатлуб ин истифодаи калимаҳои лаҳҷавию шевагӣ дар суҳбатҳои радиоию телевизионӣ ва муоширати байни ҷавонон, махсусан донишҷӯён ва онҳое, ки аз ноҳияҳо ба пойтахт барои таҳсил омадаанд, мебошад. Масъулияти ислоҳи ин падидаи номатлуб бештар ба дӯши муаллимон ва устодони донишгоҳҳост, ки бояд ба шогирдон ва донишҷӯён фарҳанги сухан ва усулҳои дурусту ҷавобгӯ ба меъёрҳои забони адабиро омӯзонанд.Дар ин роҳ шабакаҳои телевизионии кишвар, радио, рӯзномаҳо, маҷаллаҳо ва дигар василаҳои иттилоърасонӣ метавонанд ба мардум кӯмак намоянд, то бештар ба зеҳни ҷомеа таъсиргузор бошанд ва дар маҷмуъ дар поку беолоиш нигоҳ доштани забони давлатӣ нақши муассир гузоранд.Ҳамзамон роҷеъ ба масоили мазкур иштирокдорони ҳамоиш табодули назар намуданд.

Декабрь 25, 2013 15:33

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд