Машварат доир ба барномаи ҳаракатҳои олимпӣ

Восеъ, 17 декабр. (АМИТ «Ховар», С. Холов).-Дар ноҳияи Восеъ бо мақсади ҷамъбасти «Барномаи инкишофи маданият ва илму маърифат», ки дар доираи барномаи ҳаракатҳои олимпии байни устодону мураббияҳои мактабҳои варзишии шаҳру навоҳии минтақаи Кӯлоб амал мекард, машварат доир гардид. Дар машварат оид ба қонуну қоидаҳои нави мусобиқаҳои олимпӣ, пешгирии варзишгарон аз истифодаи маводи допингӣ, қоидаҳои будубоши варзишгарон дар давраи гузаронидани олимпиадаҳои байналмилалӣ, донистани забон ва дигар масъалаҳои муҳими олимпӣ баҳсҳо доир гардиданд. Дар ҷамъбасти чорабинӣ устодону мураббияҳо ва варзишгарони фаъол бо диплому сертификатҳои Кумитаи миллии олимпӣ ва туҳфаҳои бахши ҷавонон, варзиш ва сайёҳии минтақаи Кӯлоб сарфароз гардиданд.