Муҳокимаи ҳамкории Тоҷикистону Озарбойҷон

Душанбе, 31 декабр. (АМИТ «Ховар»).- 30 декабр дар шаҳри Душанбе мулоқоти Вазири кишоварзии Тоҷикистон Қосим Қосимов ва Сафири Озарбойҷон дар Тоҷикистон Аббосалӣ Ҳасанов баргузор гардид. Дар ҷараёни мулоқот рушди ҳамкорӣ дар соҳаи кишоварзӣ, ҷалби инвеститсияҳои Озарбойҷон ба ин бахш, ташкили корхонаҳои муштарак, ҳамчунин масоили дар хоҷагиҳои кишоварзӣ мавриди истифода қарор додани технологияҳои ҷадид ва рӯёнидани баъзе навъҳои сабзавоту буттамева мавриди муҳокима қарор гирифтанд.Аҳамияти барқарор намудани системаҳои обёрии Тоҷикистон барои афзун намудани маҳсулоти кишоварзӣ ва васеъ кардани заминҳои обӣ бо истифода аз технологияҳои муосири Озарбойҷон таъкид гардид. Дар ин бора аз Сафорати Ҷумҳурии Озарбойҷон дар Ҷумҳурии Тоҷикистон ба АМИТ «Ховар» хабар доданд.