Муҳокимаи масоили рушди муносибатҳои Тоҷикистон ва СҲИ
Душанбе, 16 декабр. (АМИТ «Ховар»).- Баъди анҷоми иҷлосияи 40 – уми Созмони Ҳамкории Исломӣ дар шаҳри Конакри Гвинея мулоқоти муовини Вазири корҳои хориҷии Тоҷикистон Низомиддин Зоҳидов бо Дабири кулли навинтихоби Созмони Ҳамкории Исломӣ доктор Иёд Маданӣ баргузор гардид.Низомиддин Зоҳидов Иёд Маданиро ба муносибати интихоб шуданаш ба мансаби олии Дабири кулли созмон муборакбод карда, изҳори боварӣ намуд, ки бо роҳбарии ӯ фаъолияти ин созмон ба ҳалли масоили умури исломӣ мусоидат хоҳад кард. Тавре ки аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ хабар доданд, зимни мулоқот масоили таҳкими муносибатҳои байни Тоҷикистон ва Созмони Ҳамкории Исломӣ мавриди муҳокима қарор гирифта, дар ҷараёни он ба татбиқи харитаи роҳи Созмони Ҳамкории Исломӣ ҷиҳати рушди ҳамкорӣ бо кишварҳои Осиёи Марказӣ таваҷҷӯҳи хоса зоҳир гардид. Дабири кулли Созмони Ҳамкории Исломӣ зикр намуд, ки барои татбиқи лоиҳаҳои минтақавӣ, ки барои Тоҷикистон ва кишварҳои дигари минтақа аҳамияти бориз доранд, саъю кӯшиш хоҳад кард. Хотирнишон месозем, ки Иёд Маданӣ намояндаи Арабистони Саудӣ буда, мансаби Вазири умури ҳаҷ ва Вазири фарҳанги ин кишварро ба ӯҳда дорад. Номбурда дар мансаби Дабири кулли Созмони Ҳамкории Исломӣ профессор Акмолиддин Эҳсоноғлӯро иваз намудааст.
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
