Мулоқот бо ҳайати Афғонистон

Декабрь 5, 2013 11:47

Душанбе, 5 декабр. (АМИТ «Ховар», Кристина Эрлих).- Бо ибтикори Маркази минтақавии экологии Осиёи Марказӣ дар Тоҷикистон зимни ҳамкорӣ бо Вазорати энергетика ва захираҳои оби Тоҷикистон 4 декабр дар Вазорати Энергетика ва захираҳои оби кишвар барои муҳокимаи ҳисоботи пешакии таҳқиқи Лоиҳаи минтақавии CASA – 1000 машварат баргузор гардид.Дар ҷараёни машварат ҳисоботи пешакӣ барои арзёбии минтақавии экологӣ, ҳисобот барои арзёбии таъсири иҷтимоӣ ва Лоиҳаи ҳуҷҷат перомуни сиёсати муҳоҷират ва ғайра мавриди муҳокима қарор гирифт.Муовини Вазири Энергетика ва захираҳои оби Тоҷикистон Пӯлод Муҳиддинов зикр намуд, ки лоиҳаи интиқолу савдои нерӯи барқ дар Осиёи Марказӣ ва Ҷанубӣ барои дар мавриди аввал ба фурӯш баровардани 1300 мегаватт нерӯи барқ байни Ҷумҳурии Қирғизистону Ҷумҳурии Тоҷикистон дар Осиёи Марказӣ, ҳамчунин Афғонистону Покистон дар Осиёи Ҷанубӣ мусоидат хоҳад кард. Лоиҳа барои ҳар ду минтақа аҳамияти стратегӣ дорад, зеро он ба коҳиш ёфтани сатҳи камчинии нерӯи барқ дар Покистону Афғонистон ва афзоиши даромад ва дурнамои иқтисодӣ дар Қирғизистону Тоҷикистон мусоидат мекунад. Қобили зикр аст, ки 6 декабр дар шаҳри Хуҷанд ва 9 декабр дар шаҳри Қӯрғонтеппа низ чунин машваратҳо доир мегарданд.Дар мулоқот муовини Вазири энергетика ва захираҳои оби ҶТ Пӯлод Муҳиддинов, директори дафтари Маркази минтақавии экологии Осиёи Марказӣ дар Ҷумҳурии Тоҷикистон Малика Бобоҷонова, ҳамчунин намояндагони бархе ташкилотҳои байналмилалию ҷамъиятӣ, ҷомеаи шаҳрвандӣ ва васоити ахбори омма ширкат доштанд.

Декабрь 5, 2013 11:47

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд