Мулоқот бо роҳбарони ташкилотҳои маблағгузории хурд
Душанбе, 13 декабр. (АМИТ«Ховар», Лайло Қосимова). -12 декабри соли равон дар мавзӯи “Вазъи ташкилотҳои маблағгузории хурд дар даҳ моҳи соли 2013 ва рушди минбаъдаи он”, мулоқоти роҳбарияти Бонки миллии Тоҷикистон бо масъулини ташкилотҳои маблағгузории хурд баргузор гардид. Дар ҷараёни вохӯрӣ масъалаҳои бурду бохти ташкилотҳои номбурда баррасӣ гашта, зикр шуд, ки дар айни замон дар ҷумҳурӣ 118 ташкилотҳои маблағгузории хурд фаъолият доранд. Солҳои охир дар ин бахши бонкӣ раванди зиёд шудани ҷалби амонатҳо, сармояи онҳо мушоҳида гардида, доираи фаъолияти ташкилотҳои маблағгузории хурд васеъ шуда, шумораи онҳо афзуда истодааст. Соли гузашта бархе аз онҳо баҳои баланди ташкилотҳои байналмилалиро сазовор гаштанд. Зимни мулоқоти судманд ба роҳбарони ташкилотҳо оид ба паст кардани фоизи қарзҳои пешниҳодшаванда тавсия дода шуд, то шаффофияти фаъолияти ташкилотҳояшонро дар назди муштариён таъмин карда тавонанд. Роҳбарони Ассотсиатсияи ташкилотҳои маблағгузории хурди Тоҷикистон ва ташкилотҳои маблағгузории хурд дар муҳокимаи масъалаҳои ҷаласа фаъолона иштирок варзида, барои беҳтар кардани кори ташкилотҳояшон оид ба захираҳои ҳатмӣ, суғуртаи амонатҳои шахсони воқеӣ пешниҳодҳои ҷолиб манзур намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






