Мулоқоти Ф. Раҳимов бо В. Никитюк

Душанбе, 12 декабр.(АМИТ «Ховар»,Фарзона Достонзода).- Вохӯрии Президенти Академияи илмҳои Ҷумҳурии Тоҷикистон Фарҳод Раҳимов бо Сафири Фавқулодда ва Мухтори Украина дар Ҷумҳурии Тоҷикистон Виктор Никитюк дар Раёсати Академияи илмҳо 12 декабр доир гашт. Тавре ки ба АМИТ Ховар аз Академияи илмҳои ҷумҳурӣ иттилоъ доданд, дар вохӯрии мазкур доир ба масъалаи ба имзо расонидани лоиҳаи «Барномаи ҳамкорӣ дар соҳаи илм ва технология барои солҳои 2013-2017» байни Академияи илмҳои ҶТ ва Агентии давлатӣ оид ба масъалаҳои илмӣ, навоварӣ ва иттилоотии Украина баррасӣ шуд. Сафири фавқулодда ва мухтори Украина В. Никитюк доир ба даъвати Ф. Раҳимов аз ҷониби Агентии давлатӣ оид ба масъалаҳои илмӣ, навоварӣ ва иттилоотии Украина ба шаҳри Киеви Украина барои ба имзо расонидани барномаи мазкур иттилоъ дод.Фарҳод Раҳимов, Президенти АИ ҶТ зикр намуд, ки ба имзорасии барномаи ҳамкорӣ баҳри густариши ҳамкориҳои илмии ду кишвар равона гардидааст ва Академияи илмҳои Ҷумҳурии Тоҷикистон барои имзои барнома омодааст. Дар вохӯрӣ масъалаи тайёр намудани кадрҳо ва инчунин гузаронидани чорабиниҳо дар Душанбе дар соли 2014 дар доираи ҷашни 200- солагии Т. Г. Шевченко баррасӣ шуданд.