Мулоқоти Нуриддин Саидов бо Омина Афзалӣ
Душанбе, 24 декабр. (АМИТ «Ховар», Зарангези Латиф) -Вазири маориф ва илми Ҷумҳурии Тоҷикистон Нуриддин Саидов бо вазири кор, умури иҷтимоӣ, шаҳидон ва масълулини Ҷумҳурии Исломии Афғонистон Омина Афзалӣ мулоқот намуд. Масъалаи тайёр кардани касбҳои коргарӣ яке аз мавзуъҳои асосии вохўрӣ ба шумор рафт.Омина Афзалӣ, вазири кор, умури иҷтимоӣ, шаҳидон ва маълулини Ҷумҳурии Исломии Афғонистон зикр намуд, ки дар Афғонистон марказҳои таълимӣ барои фаро гирифтани афроде, ки аз таҳсил берун мондаанд ва омода намудани коргарони соҳибихтисос фаъолият намоянд ҳам, кишвар ба тайёр кардани касбҳои коргарӣ, усто ва омўзгорони муҳандисӣ ниёз дорад. Тоҷикистон имконоти хуби омода сохтани коргарони ҳирфаиро дорад. Мақсад аз боздид кӯмаки ин ҷониб дар ин самт аст.Нуриддин Саидов, вазири маориф ва илми Ҷумҳурии Тоҷикистон пурра фаро гирифтани шаҳрвандонро ба таҳсилоти ибтидоӣ ва миёнаи касбӣ яке аз масъалаҳои асосии мубрами рўз номида, дар ин самт ҳамкориҳои вазоратҳои дахлдорро хеле судманд ҳисобид. Дар айни замон, дар ҷумҳурӣ 63 муассисаи таҳсилоти ибтидоии касбӣ, аз ҷумла 56 литсейи касбии техникӣ, 7 литсейи касбии саноати кишоварзӣ ва инчунин гуруҳҳои таълимии муассисаҳои таҳсилоти ибтидоии касбӣ, ки дар назди Вазорати маорифи Ҷумҳурии Тоҷикистон фаъолият менамоянд ва 52 муассисаи таҳсилоти миёнаи касбӣ, аз ҷумла 41 коллеҷ, 11 омўзишгоҳи тиббӣ амал менамояд.Дар ин бора Маҳмудхон Шоев, сухангӯи Вазорати маориф ва илми Ҷумҳурии Тоҷикистон хабар дод.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






