Мулоқоти С.Аслов бо Сафирони Британияи Кабир ва Озарбойҷон

Декабрь 20, 2013 11:51

Душанбе, 20 декабр. (АМИТ «Ховар»).- 19 декабр вазири Корҳои хориҷии Ҷумҳурии Тоҷикистон Сироҷиддин Аслов Сафири Шоҳигарии Муттаҳидаи Британияи Кабир ва Ирландияи Шимолӣ дар Тоҷикистон Робин Орд – Смитро ба ҳузур пазируфт. Назар ба хабари Раёсати иттилооти ВКХ ҶТ, Сафир дар оғози сӯҳбат Вазири корҳои хориҷии кишварро бо тайин шуданаш ба ин мансаб муборакбод намуда, ба фаъолияти ӯ муваффақиятҳо орзу кард. Вазири корҳои хориҷии Тоҷикистон сатҳи хуби ҳамкории байни ҳар ду кишварро қайд намуда, изҳори умедворӣ кард, ки ин ҳамкорӣ минбаъд ҳам рушду густариш хоҳад ёфт. Вазир таваҷҷӯҳи мусоҳибро ба зарурати рушди равобити тиҷоратию иқтисодии миёни Тоҷикистон ва Британияи Кабир, ҳамчунин ҷалби сармояҳо ба бахшҳои афзалиятноки иқтисодиёти ҷумҳурӣ ҷалб намуд. Вазир ҳамчунин аҳамияти ҳамкорӣ дар масъалаи вазъи Афғонистон ва саъю кӯшиши якҷоя дар ин самтро зикр намуд. Сафири Шоҳигарии Муттаҳида аз ҷониби худ вазъи муносибатҳои дуҷонибаро ба дараҷаи баланд арзёбӣ намуда, мувофиқаи худро бо нуқтаи назари Вазири корҳои хориҷӣ дар бораи зарурати рушду тақвият бахшидани муносибатҳои иқтисодӣ иброз дошт.Мусоҳибон ҳамчунин масоили ҳамкории кишварҳо дар ҳошияи созмонҳои байналмилалиро мавриди муҳокима қарор доданд.Мувофиқи иттилоои манбаъ, худи ҳамон рӯз мулоқоти Вазири корҳои хориҷии Ҷумҳурии Тоҷикистон Сироҷиддин Аслов бо Сафири Ҷумҳурии Озарбойҷон А.Ҳасанов баргузор гардид. Ҷонибҳо дар ҷараёни мулоқот вазъу дурнамои ҳамкории дуҷониба дар бахшҳои сиёсат, тиҷорату иқтисодиёт ва фарҳангро мавриди муҳокима қарор доданд.

Декабрь 20, 2013 11:51

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд