Мулоқоти Шамсиддин Орумбеков бо Акбар Алӣ Песнани

Душанбе, 24 декабр. (АМИТ «Ховар», Зарангези Латиф).- Имрӯз, 24-уми декабри соли ҷорӣ дар Вазорати фарҳанги Ҷумҳурии Тоҷикистон вохӯрии вазири фарҳанги Ҷумҳурии Тоҷикистон Шамсиддин Орумбеков бо намояндаи доимии Шабакаи Рушди Оғохон дар Ҷумҳурии Тоҷикистон Акбар Алӣ Песнани баргузор гардид.Зимни мулоқот намояндаи Шабакаи Рушди Оғохон Шамсиддин Орумбековро ба муносибати ба вазифаи вазири фарҳанг таъйин шуданаш шодбош намуда, ба ӯ комёбиҳо орзу намуд.Вазири фарҳанг ва намояндаи доимии Шабакаи Рушди Оғохон ҳамкориҳои минбаъдаи байни Ҷумҳурии Тоҷикистон ва Хазинаи Оғохонро баррасӣ намуда, хоҳони суръат бахшидан ба раванди ҳамкориҳо будани хешро иброз доштанд.Дар ин бора котиби матбуоти Вазорати фарҳанги Ҷумҳурии Тоҷикистон Раҳматулло Раҳматуллоев иттилоъ дод.